Xəbərlər

BSU-nun rektoru Anar Nağıyev “SABAH-ın Məzunu 2026” tədbirində iştirak edib.

Ötən illər ərzində SABAH qrupları Azərbaycan ali təhsil sistemində keyfiyyətin yüksəldilməsində mühüm rol oynayan, uğurlu nəticələri ilə seçilən bir layihəyə çevrilib. Onu da qeyd etmək lazımdır ki, 2025/2026-cı tədris ilindən etibarən Bakı Slavyan Universitetində SABAH qrupları üzrə tələbə qəbulu həyata keçirilir.

Bakı Slavyan Universiteti Məzun Günü - 2026.

İyunun 30-da Bakı İdman Sarayında Bakı Slavyan Universitetinin (BSU) 2025/2026-cı il buraxılış ilinin tələbələri və magistrantları üçün Məzun Günü tədbiri keçirilib. Tədbirdə BSU-nun rektoru Anar Nağıyev, Azərbaycan Respublikasının gənclər və idman naziri Fərid Qayıbov, Yeni Azərbaycan Partiyası (YAP) sədrinin müavini - Mərkəzi Aparatın rəhbəri, Nəsimi rayon İcra Hakimiyyətinin başçısı Tahir Budaqov, Azərbaycan Respublikasının Ailə, Qadın və Uşaq Problemləri üzrə Dövlət Komitəsinin sədri Bahar Muradova, Azərbaycan Dövlət Pedaqoji Universitetinin (ADPU) Beynəlxalq əlaqələr üzrə prorektoru Mahirə Hüseynova, millət vəkilləri, media nümayəndələri, universitetin professor-müəllim heyəti, məzunların valideynləri, universitetin əməkdaşlıq etdiyi qurumların nümayəndələri və digər qonaqlar iştirak ediblər.

BSU-nun əməkdaşları və tələbələri WUF13-ün açılış mərasimində iştirak ediblər.

Mayın 18-də Bakı Slavyan Universitetinin əməkdaşları və tələbələri Bakıda keçirilən Ümumdünya Şəhərsalma Forumunun 13-cü sessiyasınım (WUF13) açılış mərasimində iştirak ediblər. “Hər kəs üçün yaşayış yerləri: təhlükəsiz və dayanıqlı şəhərlər və yaşayış məskənləri” mövzusuna həsr olunan forum BMT-nin Məskunlaşma Proqramı (UN-Habitat) və Azərbaycan Hökumətinin birgə təşkilatçılığı ilə keçirilir.

Ümummilli lider Heydər Əliyevin anadan olmasının 103-cü ildönümünə həsr olunmuş Bədii Yaradıcılıq Müsabiqə-Festivalı.

Ümummilli lider Heydər Əliyevin anadan olmasının 103-cü ildönümünə həsr olunmuş Bədii Yaradıcılıq Müsabiqə-Festivalı keçirilmişdir. Tədbirin əsas məqsədi gənclərin yaradıcılıq potensialının üzə çıxarılması, milli-mənəvi dəyərlərin təbliği və Ulu Öndərin zəngin irsinin gələcək nəsillərə aşılanması olmuşdur.

Müsabiqə-festival çərçivəsində iştirakçılar müxtəlif bədii çıxışlar, musiqi və yaradıcılıq nümunələri ilə çıxış edərək öz bacarıqlarını nümayiş etdirmişlər. Tədbir iştirakçılar tərəfindən böyük maraq və yüksək əhval-ruhiyyə ilə qarşılanmışdır.

BSU-da İTİC 2026 IV beynəlxalq elmi-praktik konfransı keçirilib.

Aprelin 16-da Bakı Slavyan Universiteti (BSU) “İnklüziv təhsildən inklüziv cəmiyyətə: dayanıqlı və inklüziv universitet modeli” (İTİC 2026) IV beynəlxalq elmi-praktik konfransı keçirilib. Konfransda BSU-nun rektoru Anar Nağıyev, Azərbaycan Dövlət İqtisad Universitetinin (UNEC) rektoru Ədalət Muradov, Azərbaycan Respublikası Milli Məclisin Elm və təhsil komitəsinin sədri Anar İsgəndərov, Azərbaycan Respublikası Milli Məclisinin Ailə, qadın və uşaq komitəsinin sədri Hicran Hüseynova, Azərbaycan Respublikası Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin (MÜTDA) direktoru Eşqi Bağırov, “Xəzər Media Mərkəzi”nin baş direktoru Murad Dadaşov, BMT-nin Sülh elçisi Təşkilat Komitəsinin üzvü Serkan Bayram, Qazi Universitetinin Xüsusi təhsil departamentinin müdiri Təşkilat Komitəsinin üzvü Ciğil Aykut, Qdansk Universitetinin Sosial elmlər fakültəsinin dekanı Təşkilat Komitəsinin üzvü Mixal Xarçiarek və universitetin professor-müəllim heyəti iştirak ediblər.

BSU-da “Ünsiyyət bacarıqları və texnikaları” mövzusunda təlim keçirilib.

14 aprel 2026-cı il tarixində Bakı Slavyan Universitetində (BSU) Karyera inkişafı, əmək bazarı və məzunlarla iş şöbəsi və Təhsil Tələbə Kredit Fondunun birgə təşkilatçılığı ilə “Ünsiyyət bacarıqları və texnikaları” mövzusunda təlim təşkil olunub.

İnteraktiv formada keçirilən təlimdə iştirakçılara effektiv ünsiyyətin əsas prinsipləri, o cümlədən aktiv dinləmə, empatiya və düzgün ifadə bacarıqları praktiki nümunələrlə izah edilib, sosial və akademik mühitdə ünsiyyətin rolu müzakirə olunub. Təlim TTKF-nın əməkdaşı, beynəlxalq sertifikatlı təlimçi-mentor Leyla Rəhimova tərəfindən aparılıb və iştirakçılar proqramı uğurla başa vurduqlarına görə sertifikatlarla təltif olunublar.

BSU “Study in Azerbaijan” beynəlxalq təhsil sərgisində təmsil olunur.

Aprelin 7-də Azərbaycan Respublikasının elm və təhsil naziri Emin Əmrullayev və Qazaxıstan Respublikasının elm və təhsil nazirinin müavini Talqat Yeşenkulo Qazaxıstanın Almatı şəhərində yerləşən Əl-Farabi adına Qazax Milli Universitetində keçirilən “Study in Azerbaijan” beynəlxalq sərgisində iştirak ediblər.

Sərgi çərçivəsində rəsmi qonaqlar Bakı Slavyan Universitetinin (BSU) stendinə baxış keçirərək universitetin təhsil imkanları və beynəlxalq əməkdaşlıq fəaliyyəti ilə tanış olublar.

BSU “Kariyer Fuarı–2026” adlı sərgidə təmsil olunub.

25–26 mart 2026-cı il tarixlərində Bakı Slavyan Universiteti (BSU) Türkiyə Respublikası Hacettepe Universitetinin dəvəti ilə “Kariyer Fuarı–2026” adlı beynəlxalq sərgidə iştirak edib. Sərgidə BSU-nun təhsil imkanları, akademik potensialı və beynəlxalq əməkdaşlıq istiqamətləri geniş şəkildə təqdim olunub.

Sərgi çərçivəsində ziyarətçilərə universitetin fəaliyyət istiqamətləri, magistratura proqramları, əlavə təhsil imkanları və doktorantura səviyyəsi üzrə tədris prosesi haqqında ətraflı məlumat verilib. Eyni zamanda iştirakçılar BSU-da mövcud olan ixtisaslar, qəbul qaydaları və tələbələr üçün yaradılan inkişaf imkanları ilə yaxından tanış olmaq imkanı əldə ediblər.

BSU-da Novruz bayramı qeyd edilib.

Martın 18-də Bakı Slavyan Universitetində (BSU) Novruz bayramına həsr olunan tədbir keçirilib. Tədbirdə rektor Anar Nağıyev, professor-müəllim heyəti və tələbələr iştirak ediblər.

BSU Azərbaycan Gəncləri günü ilə bağlı tələbələr üçün komanda toplantısı keçirib.

Bakı Slavyan Universiteti (BSU) 2 fevral Azərbaycan Gəncləri Günü münasibəti ilə qış imtahan sessiyasında ən yüksək nəticələr göstərən, həmçinin universitetdə yaradılan “SABAH” qruplarında təhsil alacaq tələbələrin iştirakı ilə “Əmək bazarına rəqabətqabiliyyətli daxil olma yolları” mövzusunda komanda toplantısı keçirib.

Tədbirin məqsədi tələbələrin şəxsi və peşəkar inkişafına dəstək göstərmək, onların əmək bazarına hazırlıq səviyyəsini artırmaq, müasir çağırışlar fonunda rəqabətədavamlı bacarıqların formalaşdırılmasına töhfə vermək olub.

BSU THİK İdarə Heyəti Tələbə Həmkarların I Həmrəylik Forumunda.

Bakı Slavyan Universitetinin (BSU) Tələbə Həmkarlar İttifaqı Komitəsinin (THİK) idarə heyətinin üzvləri Tələbə Həmkarlarının I Həmrəylik Forumunda iştirak ediblər. İlk dəfə təşkil olunan forum 31 Dekabr – Dünya Azərbaycanlılarının Həmrəyliyi Gününə və tarixi Zəfərimizin beşinci ildönümünə həsr olunub.

Tədbir Dövlət himninin səsləndirilməsi ilə başlayıb, Ümummilli Lider Heydər Əliyevin və Azərbaycanın ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.

Forum çərçivəsində çıxış edənlər gənclərin cəmiyyətin aparıcı qüvvəsi olduğunu, tələbə həmkarlar ittifaqlarının isə tələbələrin sosial rifahının qorunması və ictimai fəallığının artırılmasında mühüm rol oynadığını vurğulayıblar. Qeyd olunub ki, Ümummilli Lider Heydər Əliyev tərəfindən əsası qoyulan dövlət gənclər siyasəti bu gün Azərbaycan Respublikasının Prezidenti, Müzəffər Ali Baş Komandan İlham Əliyevin rəhbərliyi ilə uğurla davam etdirilir. Azərbaycan gəncləri ölkəmizin inkişafında, Qarabağda və Şərqi Zəngəzurda aparılan quruculuq işlərində fəal iştirak edirlər.

BSU THİK olaraq tələbə həmrəyliyinin gücləndirilməsinə və gənclərin fəallığının artırılmasına töhfə verməkdən qürur duyuruq.

BSU tələbələri “Zəfər” muzeyini ziyarət ediblər.

Bakı Slavyan Universitetinin tələbələri “Konstitusiya və Suverenlik” ili tədbirlər planı və “Zəfər Həftəsi” çərçivəsində Zəfər Muzeyinə ziyarət ediblər.

Ziyarətin əsas məqsədi tələbələrdə milli-mənəvi dəyərlərin, vətənpərvərlik ruhunun və tarixi yaddaşın möhkəmləndirilməsi, həmçinin Vətən müharibəsi tarixinin daha dərindən öyrənilməsinə şərait yaratmaq olub.

Tələbələr muzeydə nümayiş olunan tarixi eksponatlarla tanış olaraq, Azərbaycan Ordusunun qəhrəmanlıq yolunu, Zəfərə aparan şanlı mübarizə mərhələlərini və şəhidlərimizin misilsiz fədakarlığını yaxından öyrəniblər. Bu səfər gənclərin milli kimliklərinin formalaşmasına, dövlətçilik ideyalarına sadiqliyin güclənməsinə və azərbaycançılıq dəyərlərinin təbliğinə mühüm töhfə verib.